سخرية على تويتر من اعتداء لاعبي الجيش على لاعب المقاصة: حد يلبس شورت في البرد ده.. وهو إيه اللى موديه هناك

[asmaa]

• تعليق : لاعب الجيش كان لابس كوتشي أبيض مش ستارز .. واخر : فيه حد يلبس شورت في الجو ده .. دي أكيد مؤامرة
• بسمة تعلن استعدادها للزواج بلاعب المقاصة المسحول.. وسمير زاهر : معندناش فريق أسمه المقاصة أصلا

سخر نشطاء على موقع التواصل الاجتماعي تويتر من قيام لاعبي طلائع الجيش بالتعدي على لاعب نادي مصر للمقاصة محمد إبراهيم بالركل بعد سقوطه على الأرض، في اللقاء الذي جمع الفريقين أمس وانتهى بالتعادل الإيجابي 1 / 1 . وربط النشطاء على تويتر واقعة ركل لاعب المقاصة بواقعة سحل المتظاهرات بميدان التحرير في أحداث مجلس الوزراء.، و سخر أحد المعلقين من طريقة بعض الإعلاميين وكثير من الإسلاميين في تعليقهم على أحداث الوزراء قائلا” وهو إيه اللى موديه هناك”، وأضاف آخر ” في حد يلبس شورت في البرد ده .. ده أكيد مؤامرة” .
وقال آخر ساخرا “هو كلكو مسكتو في لاعب الجيش اللى ضرب لاعب المقاصة وسيبتو زميله اللى طبط عليه”، فيما جاءت باقي التعليقات على النحو التالي :
مدحت شلبي : أيوه انا سامع واحد بيقولو غطيه غطيه
الشيخ خالد عبد الله لمحمد إبراهيم : يا واد يا مؤمن
6 ابريل تدعو لمليونية بسبب ما فعله الجيش مع المقاصة وتدعو لإعتصام بالتحرير
بسمة تعلن على حسابها استعدادها للزواج بلاعب المقاصة المسحول
تامر بتاع غمرة .. الهتاف في الاستاد بمبارة الجيش والمقاصة : ” يوم الخلاص” يوم الخلاص من مين
لا لمحاكمة لاعبي المقاصة عسكريا

سمير زاهر بعد ضرب لاعب المقاصة : إحنا معندناش فريق اسمه المقاصة أصلاً
دهس لاعب من المقاصة في مواجهة مع الجيش .. هو أيه اللي وداه الاستاد اصلا ؟!! اللاعب ده شكله كان محترف في صربيا
لاعب المقاصة مخطئ .. إيه اللي وداه عند منطقة جزاء الجيش
كلكم مسكتوا في الجيش وهو بيضرب لاعب المقاصة ..لكن طبعا ما حدش شافه وهو بيرقص وبعملهم استربتيز ونايملهم في الأرض ساعة ‎.
لاعب الجيش كان لابس كوتشي أبيض مش ستارز
خطف أحد اللاعبين بعد تدخل عنيف على لاعب الجيش و محدش عارف مين خطفوا ولا هو فين ‎