سلبيات وايجابيات الثوره شاركونا الراى

[asmaa]

السلام عليكم

قبل ما نقول الموضوع الكل يقرا الفاتحه على ارواح الشهداء

..........................................

اهلا بيكم فى حوار بسيط وان شاء الله ينال التفاعل

والاعجاب انا شخصيا هشارك فيه لانى حاسه انى عايزه اقول كتير

الموضوع ببساطه كل واحد يقول اللى شايفه من سلبيات وايجابيات


من ثورة 25يناير وده طبعا هيعطى فرصه للتعبير عن ارائكم

مش هعلق على حد كل واحد يقول اللى عايزه بس محدش يشتم هههههه ..... لكم منى كل التحية

[asmaa]

هقول اول مشاركه
اهم حاجه اللجان الشعبيه اللى ثبتت قد ايه شبابنا اللى فى البيوت كانوا على قدرمن التحمل لا يقل عن اللى فى الميدان
وتلاحم الجميع مع بعض فى سيمفونيه رائعه
وقول اتخلصنا من الزل والاستبداد
الخوف من اقل مش هقول رتبه لا عسكرى فى الشرطة
الخوف على اولادنا من غد مظلم
قول كلمه الحق ولو على رقابنا
الشجاعه والانبهار بشباب بلدى الابطال
تعاون المسيحى والمسلم كل واحد نسى الشحن اللى كان محاط بيه بفعل خونه ربنا ينتفم منهم
كتير بجد الواحد مش عارف يقول ايه ولا ايه تحيه لشهداءنا الابرار رحمه الله عليهم

[mahmoud attia]

1-الايجابيات: وهى كثيرة منها
انبهار العالم اجمع بماحققه هؤلاء الشباب واصرارهم على تحقيق ثورتهم
مواجهة هؤلاء الشباب للبلطجية واللصوص الذين خرجوا عليهم
تصدى هؤلاء الشباب لليد الباطشة للحاكم وهى الامن المركزى وزوال هاجس الخوف من نفوسهم
تقديم الثورة اكثر من 400شهيد خلال اسبوعين
التكافل الاجتماعى الذى ظهر بين المتظاهرين فى الميدان فى المأكل والمشرب وكل المعيشة
حماية المصريين لممتلكاتهم فى وقت غياب الامن
تطوع الشباب لادارة اشارات المرور وتنظيم السير فى الشوارع
اجبار الحاكم على التنحى والمثابرة على عناده
قيام الشباب بتنظيف الشوارع والميادين بعد انتهاء المظاهرات وهو ماأبهر العالم

[Sad Eyes]

الايجابيات..
- عندنا شباب ما شاء الله ربنا يحميه..
-حفاظنا على بلدنا وحمايتها وده مش جديد على المصريين..
-اتخلصنا من الذل وكتمان الحق او الخوف من النتائج المترتبه على المطالبه بالحق..
-وضعنا حدود للتعامل..يعنى اجبرنا الكل على احترامنا بعد الاهانه بالذات من بعض رجال الشرطه..الدكاتره فى الجامعات..الرؤساء فى العمل..
السلبيات
-اننا مبنفكرش بعقلنا الاول بمعنى اننا نعمل الحاجه وبعدين نفكر فيها..واننا بنتعامل على كلام مسموع وخلاص واحنا اصلا مش متأكدين من مصداقيته او مصداقية قائله..