إنت فاكر حاجة !!

[Dr-Mohamed]

مممممممممممم

يعنى لو فاكر حاجة مواقف نصايح بالصدفة عرفتها

اى ذكريات ليك فى شهور رمضان الماضية


ممكن تحكيلنا عليها

[انسان بلا قلب]

ياااااااااااااااااااااااه


زمان وانا صغير كنا لازم نلعب كورة قبل الفطار ونجيب صواريخ وبمب

وكنت اقف في البلكونة اشوف الناس معدية اقوم مستخبي في البلكونة وحادف صواريخ عليهم

بس اوعوا تقولوا لحد

وكنا نسهر نعمل الشراشير كل واحد عنده كراسة قديمة ولا ورق قديم نقعد نقطعه ونعمل بيه رسومات ونجيب النشا ونعلقها عالبيوت \

وطبعا الفوانيس كنا ننزل بالليل زي الناس العبيطة ونقعد نلف بالفوانيس لحد الفجر

الواحد كان عبيط قوي

هههههههههههههههههه


كل سنة وانتم طيبين

[لحن الحياة]

مش عبط بس كنا بنحس برمضان اكتر من دلوقتى

ومعظم اللى قولت عليها كنا بنعمله

نجيب السلم ونعلق الزينه وبعدين الاهل الكبار يقعدوا وويتحاكوا واحنا نلف بالفوانيس فى الشارع لحد بالليل وبعدين نعلق الزينه ببيتنا
دا كله واحنا مشغالين الاغانى القديمه بتاعه رمضان بتاعه عبدالمطلب وغيرة
اه والا لما يجى نفطر ابقى هموت من الجوع واول ما يحطوا الاكل اشرب مياه او عصير او تمر ومكلش
ونبقى كلنا بجد بجد فرحانين
بنسبه ليا كانت سعادتى لا توصف
وان شاء الله رمضان السنه دى غييييييييييير اى سنه ان شاء الله

[ايمان محمود العربي]

انا قرأت المذكرات اللي كتبتها في رمضان اللي فات وكانت كلها دعوات تمنيت من الله ان يحققها لي وكلي ثقة بالاجابة وكلها كانت بمثابة المستحيل فقد دعوته ان اتزوج الرجل الذي احببته للمرة الاولى في حياتى وهو دكتوري في الجامعة وقد كان ونحن الآن ننتظر المولود الجديد ودعوته ان اتفوق في دراستى وقد كان فقد نجحت هذا العام بتقدير امتياز ودعوته ان احفظ القرآن وقد ختمته ودعوته ان اعمل معيدة فى الجامعة وها انا انتظر الاجابة وكلى ثقة فى الهي العظيم نصيحة لكم ادعو ما شئتم واحسنو الظن بالله ولا تيئسو من رحمة الله

[eman elsoudy]

يااااااااااااااااااااااااااه
والله ايام زمان ما تتعوضشى
فاكرين بكار ياجماعه ساعه الفطار
ولا المسحراتى اه ه ه ه ه كنا عيال بس والله الايام دى كانت احلى ايام فى حياتنا
كله دلوقتى بقى تيك اواى
الفطار المسحراتى
يالا اهى ايام بنقضيها
وكل سنه وانت طيبين يا اجمل منتدى فى الدنيا

[a7la mohandes]

فعلا رمضان زمان كان اجمل بكتير مش زمان قوى يعنى ده كان من وقت قريب بس الزمن بيتغير بسرعه
انا فاكر حاجه من رمضان اللى فات بس بشرط محدش يضحك عليا اتفقنا ..؟
كان العيد قرب شويه وكنا بنعمل كعك ولك ان تتخيل ريحه الكعك السخن والصيام بقى ايه طبعا بمجرد ما شميت ريحه الكعك نسيت الصيام خااااااااااااااااااااااااااااااااالص ورحت يا سيدى مش اكلت واحده لاء اكلت اتنين وخد عندك افتكرت انى صايم فى اخر جزء من التانيه بس بصراحه زعلت قوى بس مش على اليوم ماهو انا كنت ناسى عادى انا زعلت عشان ملحقتش اشرب وقعدت متعذب بالكعك اللى اكلته لغااااااااااااااااااايه المغرب
وبس
تحيــــــــــــــــــــــــــاتى